ಧರೆ | ಕವನ | ವೆಂಕಟೇಶ ಚಾಗಿ | DHARE | KAVANA | VENKATESH CHAGI
ಧರೆ (ಕವನ ) ದೇವರ ಸೃಷ್ಟಿ ನಮ್ಮೀ ಧರೆಯು ಎಲ್ಲರೂ ಬದುಕಲು ಆಸರೆಯು ಹುಟ್ಟು ಸಾವಿನ ಅವಧಿಯೊಳಗೆ ಬದುಕುವ ಚಂದದಿ ಧರೆಯೊಳಗೆ || ಪ್ರಕೃತಿ ಸೊಬಗು ಬೇರೆಡೆ ಕಾಣದು ಧರೆಯೇ ನಮ್ಮಯ ದೇಗುಲವು ಗಿಡಮರ ಬಳ್ಳಿಗೂ ಬದುಕು ಉಂಟು ಎಂದಿಗೂ ಅಳಿಯದು ಈ ನಂಟು || ಹಗಲು ಇರುಳು ದೈವದ ವರವು ಶ್ರಮವೇ ಸಾಧನೆಯಾ ಬಲವು ಆಸೆಯಿಂದಲಿ ಧರೆಯ ನುಂಗಲು ನಾಳೆಗೆ ಇರದು ಈ ಧರೆಯು || ಸಾಗರವಿರಲಿ ನೆಲವೇ ಇರಲಿ ಯಾವುದೋ ಜೀವಿಗೆ ಮನೆಯಂತೆ ಕಲುಷಿತಗೊಳಿಸದೆ ಇರಲು ಬಿಟ್ಟರೆ ಧರೆಯು ಎಂದಿಗೂ ಸ್ವರ್ಗವೆ ಅಂತೆ || ತಿಳಿದು ಬದುಕುವ ಮನುಜರು ನಾವು ಧರೆಯ ಅಳಿವನು ಬಯಸುವುದೆಂತು ಶಾಂತಿಯ ಉಳಿಸಿ ಒಳಿತನು ಬಯಸಿ ಬದುಕುವ ಅನುದಿನ ಜಗವರಿತು || => ವೆಂಕಟೇಶ ಚಾಗಿ 👉 ಮುಂದಿನ ಕವನಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ 👈
ಕಾಮೆಂಟ್ಗಳು