ಮತ್ತೆ ಬಂದಿದೆ ಯುಗಾದಿ | ಕವನ | ವೆಂಕಟೇಶ ಚಾಗಿ | Matte Bandide Yugaadi | kavana | venkatesh chagi
** ಮತ್ತೆ ಬಂದಿದೆ ಯುಗಾದಿ **
ಮತ್ತೆ ಬಂದಿದೆ ಯುಗಾದಿ
ಹರುಷ ತಂದಿದೆ ನಮಗಾಗಿ
ಚಿಗುರು ತುಂಬಿ ಚೆಲುವ ಚೆಲ್ಲಿ
ಹೊಸ ಸಂಭ್ರಮ ತಂದಿದೆ..||
ರೆಂಬೆ ಕೊಂಬೆ ಚಿಗುರು ಚಿಮ್ಮಿ
ಹಕ್ಕಿ ದ್ವನಿಗೆ ಸ್ವರವು ತುಂಬಿ
ಯುಗದ ಆದಿ ಬಂದಿದೆ
ಯುಗಾದಿ ಮರಳಿ ಬಂದಿದೆ..||
ಬೇವು ಬೆಲ್ಲ ಜೊತೆಗೆ ಸೇರಿ
ಸುಖ ದುಃಖಕೆ ನಾಂದಿ ಹಾಡಿ
ನವ ಜೀವನದ ಸೆಲೆಯ ತಂದು
ಯುಗಾದಿ ಮರಳಿ ಬಂದಿದೆ..||
ಹೃದಯಗಳನು ಬೆಸೆಯುತಿದೆ
ಬಯಕೆಗಳನು ಮೂಡಿಸಿದೆ
ಹೊಸ ಬದುಕಿಗೆ ಉಸಿರು ತುಂಬಿ
ಯುಗಾದಿ ಮರಳಿ ಬಂದಿದೆ..||
ಮೇಘಗಳಲಿ ಮಿಂಚಿದೆ
ಧರೆಯು ಹನಿಗೆ ನನೆದಿದೆ
ಮಣ್ಣಿನಲ್ಲಿ ಜೀವ ಬಿತ್ತಿ
ಯುಗಾದಿ ಮರಳಿ ಬಂದಿದೆ..||
- ✍ ವೆಂಕಟೇಶ ಚಾಗಿ
ಮತ್ತಷ್ಟು ಓದಿ
ಕಾಮೆಂಟ್ಗಳು